Megjithëse ditët e fundit nuk ka pasur reshje, në disa rrugët kryesore të vendit ka pasur prezencë ngricash që ka vështirsuar qarkullimin e mjeteve.
Në një prononcim për Fax News kreu i Emergjencave Civile, Haki Çako u shpreh se rrugët nacionale janë të gjitha të hapura dhe se kompanitë për mirëmbajtjen e rrugëve janë gadishmëri.
“Rruga e Kombit është e kalueshme pa zinxhirë normalisht. Rrugët nacionale janë të gjitha të hapura. Rrugët në disa fshatra nuk janë hapur ende, pasi është e pamundur që të shpërndahet kripë. Të gjithë kontraktorët janë në gadishmëri dhe kanë bërë që në orët e para të mëngjesit shpërndarjen e kripës në akse, për shkak të prezencës së ngricave në rrugë.”- u shpreh Çako.
