Sot në familjen mbretërore angleze është një ditë e veçantë, pasi princi George mbush 7 vite. Ka qenë Duka dhe Dukesha e Cambridgeit, William dhe Kate, që kanë ndarë dy fotografi të djalit të tyre të madh me publikun e gjerë. Në të dyja pozat, e realizuara nga nëna e tij, George vjen i buzëqeshur dhe mjaft sharmant, edhe pse ai zakonisht shfaqet i turpshëm në publik. Princi George është i treti në radhë për fronin që qëndron pas gjyshit të tij Princi Charles dhe babait të tij Prince William.
Pallati Kensington ka njoftuar se Catherine dhe Princi William, të cilët po ashtu i kanë edhe dy fëmijë të tjerë së bashku, Charlotte dhe Louis, janë shumë të lumtur t’i ndajnë këto fotografi të reja të fëmijës së tyre të parë, me rastin e ditëlindjes së tij.
