Nga Vlora Dumoshi
Në Prizren rreth 4 milion euro investime. Sot, me ministren e Administrimit dhe Pushtetit lokal, Emilija Rexhepi vizituam komunën e Prizrenit. Bashkë me kryetarin e Komunës, Mytaher Haskuka nënshkruam memorandum bashkëpunimi për ndërtimin e Shtëpisë së Kulturës në Manastrica të Prizrenit në vlerën prej 300 mijë euro.
Me kryetarin Haskuka diskutuam për projektet tejet të rëndësishme të Komunës së Prizrenit si projekti për Muzeun e Filigranit, për Pishinën Olimpike, sallat sportive, Qendrën Rinore, festivalet, Zambaku i Prizrenit, Dokufesti dhe projekte që e përmirësojnë jetën e qytetarëve. Janë plotë 14 projekte që do të investohet në trashëgiminë arkitekturore. Prizreni është prej qyteteve më të bukura. Diversiteti, trashëgimia dhe bashkëjetesa mes njerëzve në Prizren e bëjnë Kosovën më të veçantë.
