Kryeministri Edi Rama i tha gazetarit Enkel Demi se nuk do të donte kurrë të ishte në pozitën që është sot, edhe pse gazetari i tha hapur se në fakt atij i pëlqen shumë pozita që ka sot sepse ka në dorë ‘asis’. Në kushtet kur Rama këmbënguli për pozitën e vet, atëhere Demi e pyeti se pse nuk jep dorëheqjen, pse nuk largohet.
“Nuk është kështu. Detyra ime është të qendroj në front jo të braktis frontin nëse ju do kishit mundësi që të flisnit me COVID-in dhe t’i merrnit fjalën që ai largohet nesër unë largohem sot , atëhere unë do largohesha sot dhe ju do kishit intervistën ekskluzive sot.
Unë jam nga ata që qendroj në fushën e betejës dhe e fitoj betejën ”, tha Rama teksa në mbyllje shtoi që shpresonte mos të kishin qenë humbje kohe ato minuta emision. “Jo përkundrazi. Ishin fitore audience”, i tha gazetari. “Audiencën e keni të sigurtë me mua”, u përgjigj Rama duke qeshur. “Edhe me mua se unë kot nuk paguhem”, përmbylli Enkel Demi.
