Janë publikuar pamje që shfaqin momentin kur një furgon e shkel për vdekje tifozin Danielle Beladinelli pas ndeshjes mes Interit dhe Napolit në dhjetor të vitit të kaluar në Milano. Tifozët e Interit shihen duke e tërhequr dhe duke bërë përpjekje ta shpëtojnë Beladinellin, pasi furgoni e shkel gjatë përleshjes.
Në hetimin për vrasjen Daniele Beladinelli tani janë të përfshirë plot 23 persona, të cilët kishin marrë pjesë në përleshjen mes tifozëve të Interit dhe Napolit pas lojës mes këtyre dy klubeve. Belardinelli ishte në fakt tifoz i Varese, mirëpo kishte udhëtuar për në Milano për të marrë pjesë në sulmin e organizuar nga tifozët e Interit, për t’i sulmuar tifozët e Napolit më 26 dhjetor. Të përfshirë në këtë përleshje ishin edhe rreth 30 persona të tjerë, të cilët kishin udhëtuar nga Nice. Belardinelli ishte shkelur dhe vrarë nga furgoni dhe hetimet për këtë incident tashme janë zgjeruar pasi që tani në listën e të dyshuarve, të lëshuar nga Policia e Italisë, bëjnë pjesë 23 persona.
