Sa kushton kryerja e tamponit në Shqipëri për të zbuluar nëse jeni prekur nga koronavirusi? Kjo faturë tregon çmimin e analizës, por edhe të një sërë analizave të tjera si gjaku, proteinat, vitamina D që në total qytetarit i kanë kushtuar rreth 244 mijë lekë të vjetra. Por vetëm kryerja e tamponit te privati për Sars-CoV-2 kushton 120 mijë lekë të vjetra.
Analizat e tjera nuk janë të detyrueshme, por në rast kur një pacient ka simptoma dhe dyshon për koronavirus, ato janë të rekomandueshme të kryhen për të patur një pasqyrë më të gjerë të shëndetit, që më pas të trajtohet me barnat e duhura. Çmimi i kurës së plotë për Covid-19 është edhe më i rëndë për xhepat e qytetarëve dhe mund të shkojë rreth 1 milion lekë të vjetra për një person.
