Në Pukë u bë i mundur ndriçimi i rrugës së tuneleve, një kërkesë e vazhdueshme e banorëve të lagjes së re. Bashkia e Pukës bën të ditur se “ndriçimi i rrugës është një investim modest, por që ka efekt të madh në lehtësimin e lëvizjes së qytetarëve që përdorin këtë rrugë”. Sipas bashkisë, ndriçimi i rrugës së tuneleve i lë vendin investimit për ndriçimin e rrugës së lagjes “Zezaj”.
Bashkia e Pukës vijon punën e përditshme në shërbim të qytetarëve, ku pavarësisht kontributit që ka dhënë qeveria ka realizuar një sërë projektesh infrastrukturore. Qyteti verior i Pukës ka pësuar ndryshim rrënjësor gjatë një ndërhyrje në dy faza për rivitalizimin urban, rehabilitim i dy shesheve kryesore, pastrim, sistemim dhe rigjenerimin e liqenit të vogël, shëtitore lidhëse mes shesheve para bashkisë dhe ish-hotel turizmit, rikonstruksion i fasadave dhe çative të ndërtesave të vijës së parë.
