Inspektoriati Shtetëror i Mbikëqyrjes së Tregut apelon prindërit të kenë kujdes në zgjedhjen e lodrave që blejnë për fëmijët e tyre, pasi në treg janë gjetur lodra me elementë kimikë të dëmshëm.
“Janë çuar për ekzaminim 42 kampione, rreth 80% e tyre kanë dalë problematikë pjesa më e madhe për sa i përket elementëve kimikë. Kemi lodra me përmbajte të lartë të games së ftalateve që është një element i ndaluar tek lodrat. Ky element sjell pasoja serioze tek riprodhimi i fëmijëve”, shprehet në një intervistë televizive, drejtori i ISHMT-së, Julian Llupo .
ISHMT ka shtuar inspektimet në tregun e lodrave dhe ka bllokuar 10 mijë produkte jashtë standardeve në prag të festave të fundvitit. Gjithashtu ISHMT u bën thirrje të gjithë kompanive, bizneseve që importojnë apo tregtojnë produkte lodra të jenë të markuara me certifikimin CE.
ISHMT bën thirrje të gjithë qytetarëve të verifikojnë produktet e tilla për markimin CE jo vetëm në kutitë e ambalazhimit, por edhe në produkt.
