Punonjësit e ASHK Vlorë janë bërë pjesë e nismës së pastrimit të qytetit ndërsa janë ndalur në zonën e Pyllit të Sodës. Një javë më pare Kryeministri Edi Rama i pranishëm në Vlorë lançoi planin e veprimit të pastrimit rrënjësor të Shqipërisë.

Aksioni i cili nisi pikërisht në Pyllin e Sodës, ka vijuar edhe këto ditë ndërsa sot sërisht në terren kanë qenë punonjësit e Agjencisë së Kadastrës Vlorë.

Aksionit i janë bashkuar një sërë institucionesh në qytet për të dhënë kontributin e tyre për një qytet të pastër turistik. Më së shumti puna vullnetare e punonjësve të ASHK do të vijojë edhe në zona të tjera të qytetit