Moti i acartë dhe temperaturat e ulëta ditët e fundit në vendin tonë kanë sjellë probleme të shumta sidomos në akset rrugore. Qafa e Llogarasë ka prezencë të madhe të akullit që përbën rrezik për automjetet dhe udhëtarët.
Kryesisht aksi rrugor Dukat-Llogora-Palasë ka problemë të mëdha, borëpastruesja nuk ka mundur të largojë akullin nga rruga. Në këtë aks rrugor qarkullimi është i mundur vetëm me zinxhirë. Në disa fshatra të Kurveleshit dhe Lumit të Vlorës, ka probleme me akullin në rrugë por qarkullimi nuk është i bllokuar. Orikumi dhe disa fshatra në Selenicë kanë probleme me energjinë elektrike.
