Aksident i dyfishtë ka ndodhur në aksin Korçë-Pogradec në afërsi të fshatit Memlisht, ndërsa për pasojë kanw mbetur të plagosur E. M., rreth 29 vjeç, banues në fshatin Memlisht dhe shtetasja L. K., rreth 65 vjeçe, banuese në Tiranë, pasagjere në mjetin tip “Volkswagen” Ende nuk është bërë e ditur gjendja e tyre shëndetësore, ndërsa ndodhen në spital nën kujdesin e mjekëve. Policia ka mbërritur në vendin ku janë përplasur dy mjetet, ndërsa po mbledh prova që do të çojnë në zbardhjen e dinamikës së ngjarjes.
“Më datë 23.08.2020, rreth orës 17:00, në afërsi të fshatit Memlisht, janë përplasur mjeti tip “Volkswagen” me drejtues shtetasin B. K., banues në Tiranë dhe mjeti tip “Ford” me drejtues shtetasin E. M., rreth 29 vjeç, banues në fshatin Memlisht. Për pasojë ka marrë dëmtime ky i fundit, si edhe shtetasja L. K., rreth 65 vjeçe, banuese në Tiranë, pasagjere në mjetin tip “Volkswagen”, të cilët u dërguan për mjekim në Spitalin e Pogradecit. Grupi hetimor po punon për përcaktimin e shkaqeve dhe zbardhjen e rrethanave të aksidentit.”, njofton policia.
