Vetëm disa minuta nga mbledhja e pr.otestuesve në ambjentet e Ministrisë së Brendshme ka përshkallëzuar pr.otesta. Qytetarët kanë prishur murin rrethues të Ministrisë. Dalin Forcat e Ndërhyrjes së Shpejtë.
Tensione dhe kaos në Tiranë. Një turmë protestuesish është futur në zonën e ish-Bllokut, ndërsa kanë nisur të hedhin koshat e mbeturinave. Mes brohërimave dhe duartrokitjeve turma e të rinjve dëgjohet që thërret në kor ‘Rama ik!’, ndërsa qytetarët ecin përgjatë librit Universitar. Ndërkohë, tensione raportohen dhe në zonën e Bankës së Shqipërisë. Gazetari Erjon Skëndaj raporton në një lidhje live për ‘News24’ se protestuesit i kanë vendosur zjarrin disa kazanëve me mbeturina para BSH-së, duke krijuar dhe kaos në rrugë, teksa shumë mjete kanë ngelur të bllokuar në trafik. Gazetarja Dorjana Bezat ka bërë me dije se përveç koshave, protestuesit kanë dëmtuar dhe disa semaforë. Kaosi në kryeqytet dhe protestuesit e shpërndarë në disa pika dhe para disa institucioneve, ka bërë që policia të shtojë radhë tek Kryeministria për mbrojtjen e godinës.
Turmat e protestuesve janë vendosur në disa pika, si ministritë në qendër, tek rruga e Kavajës, pas Bankës së Shqipërisë dhe i janë drejtuar zonës së Bllokut. Para Kryeministrisë shihen forca të shumta policie, duke marrë masat për çdo eventualitet të mundshëm. Protestuesit kanë nisur të mblidhen në Bulevard, duke u afruar tek Kryeministria.
Protestës së sotme që u shoqërua me përplasje dhe incidente, nuk i ka shpëtuar as Muzeu Kombëtar.
Gazetari Erjon Skëndaj ka siguruar për “BalkanWeb” pamje nga muzeu, ku protestuesit kanë ‘shfryrë’ inatin e tyre duke thyer xhama si dhe kanë prishur grilat e dritareve. Protestuesit, kryesisht të rinj, u ngritën në tubim kundër vrasjes së Klodian Rashës, i cili u qëllua me armë nga një efektiv policie.
Situatë e tensionuar në qendër të kryeqytetit. Protestuesit e zemëruar kanë sulmuar me gardhet metalike godinën e Ministrisë së Brendshme. Me thirrjet “Poshtë diktatura”, “polici fashiste”, ata kanë marrë një zjarrfikëse, duke hipur sipër saj. Gazetari Osman Stafa raportoi se protestuesit kanë shkallmuar dhe dyert e ministrisë së Financave duke thyer xhamat e qëlluar me sende të forta. Protestuesit nuk janë vendosur në një pozicion por në disa pika të kryeqytetit duke sulmuar me gurë e sende të forta.
