Një efektiv pranë Patrullës së Përgjithshme në Berat është pezulluar nga puna. Sipas njoftimit zyrtar të AMP-së, thuhet se punonjësi i policisë ka thyer rëndë Kodin Etik, ndërsa një qytetare është ankuar se është goditur nga ai.
“Agjencia e Mbikëqyrjes Policore AMP (Rajoni Fier – Berat) ka kallëzuar penalisht një tjetër punonjës policie, për të cilin është bërë edhe pezullimi nga detyra. Bëhet fjalë për D.T., efektiv pranë Patrullës së Përgjithshme, në Komisariatin e Policisë Berat, i cili me veprimet e tij ka thyer rëndë Kodin Etik të Policisë së Shtetit, ndërsa një qytetare është ankuar se është goditur nga efektivi i Policisë. Materialet hetimore paraprake i kaluan Prokurorisë pranë Giykatës së Shkallës së Parë me Juridiksion të Përgjithshëm, Berat”, thotë AMP.
Ndërsa hetimet për çështjen vijojnë, gazetari i Klan News Besar Bajraktaraj bën me dije se bëhet fjalë për shtetasin Dejvi Toska.
