Emisioni investigativ “BOOM” në RTV Ora solli këtë të mërkurë denoncimin e një zonje nga Tirana për mashtrimin me pakot ushqimore të shpërndara nga Bashkia e Tiranës. Znj. Sofije Gerbeti ka kërkuar ndihmë pasi është gjendur në një moment të vështirë nga situata e krijuar nga koronavirusi.
Ajo është banore e Njësisë administrative nr. 9 por shtëpia me qira ku ajo jeton është në njësinë 8, ku kjo e fundit i ka thënë se pakon mund ta marrë aty. Gerbeti: Aplikova tek zyra e bashkëqeverisjes për një paketë ushqimore, pasi për momentin kam pasur nevojë. Mu përgjigj pozitivisht fillimisht zyra dhe më ka thënë do ta shqyrtojmë çështjen tënde dhe askush nuk erdhi.
Por kur ajo shkoi tek njësia, punonjësja i tha se nuk ka emër të regjistruar për përfitimin e pakos ushqimore. Ajo thotë se njësia 9 ja ka dhënë pakon. Emisioni “BOOM” shkoi tek njësia 8 për të marrë sqarim. Gazetarja: Po nuk i kanë dhënë pra, e kanë deleguar tek njësia 8. Punonjësja e Njësisë Administrative nr.8: I kanë dhënë se e kanë me procesverbal. Njësia 9 i ka çuar pako zonjës.Gazetarja: Po na nxirrni firmën që e ka marrë.Punonjësja e Njësisë Administrative nr.8: Të lutem nuk është e njësisë sime dhe nuk ka kontaktuar me mua. Je e njësisë 9 shko sqarohu atje. Më pas, sëbashku me zonjën, “BOOM” iu drejtua zyrës së njësisë nr. 9.
Denoncuesja: Më fal, Njësia 9 me ka thënë që do ju a dërgojmë tek njësia 8, njësia 8 më ka marrë në telefon më ka thënë hajde merre pakon dhe s`më kanë dhënë asnjë pako, prandaj jam duke ju kërkuar llogari. Kush gënjen? Punonjësja e Njësisë Administrative nr.8: Jam duke të pyetyr a ke marrë nga njësia 9? Denoncuesja: Absolutisht jo moj zonjë. Njësia 9 përmes një komunikimi me telefon herën e parë ka pranuar që pakoja është nisur në njësinë 8, ndërsa herën e dytë na thotë që pakoja është dhënë nga njësia 9 për zonjën Gerbeti, ndërkohë qytetarja nuk e ka marrë.
Në përfundim, na thonë se zonja nuk e ka tërhequr. Ndoshta dikush e ka tërhequr dhe e fshehën, këtë nuk e dimë, por si përfundim premtuan ndihmë. Pas ndërhyrjes së “BOOM”, njësia nr. 9 ja dërguan pakon ushqimore me makinë në shtëpi zonjës e cila kishte që në 6 prill që kërkonte ndihmë, dhe nja 10 ditë sorrollatje.
