Qyteti i Suedisë Lund ka vendosur 1000 kilogramë pleh në parkun kryesor të qytetit për të parandaluar frekuentimin dhe për të parandaluar që qyteti të kthehet një “epiqendër e koronavirusit”, tha kryetari i Lundit Philip Sandberg për CNN të enjten. Komiteti i Mjedisit tha të martën se Parku i Qytetit Lund do të mbyllet për “masa mirëmbajtjeje” në Ditën e Walpurgis, një festë që fillon të enjten në Evropën Veriore. Sandberg i tha CNN se hedhja e plehut do të përfundonte të enjte.
Ai thotë se një masë e tillë është e domosdoshme për fekondim, pasi plehrat jo vetëm që do të pengojnë vizitorët, por edhe do ta bëjnë lëndinën gati për verën. “Plehu i pulave nuk do jetë aspak i këndshëm për ata që duan të frekuentojnë parkun”, tha Sandberg. Ndërsa Suedia ka ndaluar grumbullimet e më shumë se 50 personave, Sandberg tha në Lund se ata po përpiqen t’i inkurajojnë njerëz të mbajnë distancën sociale sa më shumë që të jetë e mundur.
“Ne nuk duam të bëhemi një epiqendër për koronavirusin”, shtoi Sandberg. “Është vërtetuar se parqet mund të kenë një rrezik të madh për përhapjen e koronavirusit, kështu që kjo është një masë e rëndësishme për ne, ndërsa do ndihmojë edhe në përgatitjen e lëndinës për verë”. Ai shtoi se reagimi i publikut për këtë ka qenë pozitiv sepse edhe ata e kuptojnë se do “ia vlejë”.
