Kryeministri Edi Rama ndër të tjera foli gjatë mbrëmjes së djeshme edhe për marrëdhënien e Shqipërisë më Turqinë si dhe marrëdhënien e tij me presidentin Erdogan. Kryeministri tha se Shqipëria ka marrëdhënie vëllazërore me Turqinë dhe një nga arsyet e kësaj është edhe fakti se presidenti turk Erdogan ka simpati për shqiptarët.
“Marrëdhënia e Shqipërisë me Turqinë është vëllazërore dhe këtu nuk mund të flasim për borxh. Nuk hyn Shqipëria në borxh më Turqinë, e as Turqia me Shqipërinë.
Unë kam marrëdhënie të shkëlqyer me presidentin Erdogan. Ai është një politikan i jashtëzakonshëm që e ka çuar Turqinë në një tjeter nivel. Ai ka një simpati për shqiptarët dhe këtë e ka treguar kur njohu pavarësinë e Kosovës”- tha Rama.
