Emiratet e Bashkuara Arabe festojnë sot 49-vjetorin e pavarësinë dhe në këtë ditë të shënuar, godina e Universitetit Politeknik i Tiranës është ngjyrosur me ngjyrat e flamurit të saj.
Nuk ka munguar edhe një mesazh urimi nga ana e kryeminstrit, Edi Rama, i cili falenderon Emiratet e Bashkuara Arabe për ndihmën dhe bashkëpunimin në ditët më sfiduese për popullin tonë. Pak ditë më parë, kryeministri Rama zhvilloi një takim me zyrtarë të Emirateve të Bashkuara Arabe, të cilët i premtuan 2000 banesa të reja në zonën e Laçit, të shkatërruara nga tërmeti i 26 nëntorit 2019.
“Shqipëria nderon me shumë respekt Ditën e Emirateve të Bashkuara Arabe, një mik dhe partner i veçantë në kohë shumë sfiduese për popullin shqiptar. Ne kurrë nuk do ta harrojmë atë që bëri # Emiratet e Bashkuara Arabe për ne në vitin 1999 gjatë luftës së Kosovës, si dhe pas tërmetit të vitit 2019! Zoti i bekoftë njerëzit e #Emirateve të Bashkuara Arabe”- shkruan Rama në statusin e tij.
