Kryeministri Edi Rama ndodhet sot në një vizitë në Abu Dhabi. Mësohet se kreu i qeverisë do zhvillojë një takim me Princin e Kurorës Sheikh Mohamed Bin Zayed Al Nahyan. Sipas informacioneve paraprake, çështjet që do diskutojë Rama janë Rindërtimi pas tërmetit dhe Konferenca e Donatorëve në Bruksel. Tërmeti i 26 nëntorit shkaktoi shkaktoi 51 viktima dhe mbi 1000 të plagosur. Të shumta qenë dëmet materiale nga tërmeti shkatërrimtar. Në raportin e fundit të qeverisë dëmet llogariten në 985 milion euro. Në pamundësi ekonomike të vendit tonë për t’i përballuar vetë dëmet e tërmetit, më 17 shkurt do zhvillohet Konfereca e Donatorëve në Bruksel ku pritet të mblidhen fonde për rindërtimin pas tërmetit.
