Kryeministri Edi Rama reagon sërish në mbrojtje të shqiptarëve në Britani. Këtë herë zgjodhi të postonte në Twitter këtë video të pak ditëve më parë të futbollistit Armando Broja, ku ai deklaronte se ishte krenar që është shqiptar.
“Krenar për ty Armando Broja dhe krenar për çdo shqiptar që punon fort dhe kontribuon në Mbretërinë e Bashkuar”, shkruan Rama.
“Turp për këdo që shënjestron komunitetin tonë të mrekullueshëm atje, duke bërë që të gjithë ju të ktheheni shënjestër për diçka që shqiptarët as e kanë krijuar, as nuk janë përgjegjës për sa keq po menaxhohet”, shtoi Kryeministri.
