Kryeministri Edi Rama u kërkoi grave naftëtare që të dilnin nga greva e urisë, pasi sipas Ramës nuk është e nevojshme që të vazhdojnë grevën.
Gratë naftëtare kanë reaguar duke ju përgjigjur kryeministrit dhe kanë refuzuar që të dalin nga protesta e tyre, duke shtuar se ato e presin në takim.
Ato po ashtu shfaqen shumë mosbesuese ndaj deklaratës së Ramës, duke theksuar se ai po i gënjen dhe nuk do që tja di për to.
“A rri ai djali i kryeministrit pa ngrënë. Në i kërkojmë tre gjëra që janë bazike për jetën tonë ujë drita dhe bukë. Le të vijë këtu, jemi të lodhura ne nuk do ta lëmë grevën. Në jemi të vdekura gjithë qyteti ka vdekur. Ai nuk e di si jetojnë qytetarët. I kam dhënë votën dhe tani na kanë nxjerrë në rrugë të madhe. Është bërë i pabesueshëm shikojnë xhepat e tyre dhe nuk duan që tja dinë për populli. Jo ne nu dalim nga greva. Është gënjeshtra e Ramës, se erdhi na tha që lekët do ti merrni kokërr më kokërr.”- thanë gratë naftëtare.
