REAGIM I Fondacionit Kulturor Mbarëkombëtar “Nermin Vlora Falaschi” Drejtuar Presidentit të Republikës Shkëlqesisë së tij Zotit Ilir Meta.
Zoti President! Vlerësoni heronjtë dhe dëshmorët e ditëve të sotme. Fondacioni “Nermin Vlora Falaschi”, që ka në gjirin e tij gruan e shquar shqiptare, si edhe degët e tij në 20 shtete të botës, ju përcjellin këtë reagim ,që ka të bëjë me mungesën e vëmëndjes nga ana Juaj për ë vlerësuar me medaljet më të larta bluzat e bardha si Prof. Dr. Tritan Kalo, Prof. Najada Como, Prof.Pëllumb Pipero ,Skender Brataj e dhjetra të tjerë,që për 8 muaj, ditë më ditë bëjnë luftë me Covid 19, për të shpëtuar jetë njerëzore, duke rriskuar jetën e tyre. Ka edhe mjekë , që u ndanë nga jeta, në përpjekje për të shpëtuar jetë njerëzore.
Më shumë se sa këshilla, lipset, që në këtë kohë lufte me virusin vdekjeprurës, që ka sjellë humbje të mëdha njerëzore, cdo institucion, politika , biznesi, dhe cdo njeri duhet të japë kontribut konkret në ndihmë të prekurve nga Covid 19. Pak kohë më parë Ju shpërndatë dhjetra Medalje për heronj dhe dëshmorë, që kanë rënë në luftë shumë dekada më parë, por ne ju themi: Vlerësoni edhe heronjtë e dëshmorët e luftës kundër Covid-19, që ndoshta është më vdekjeprurëse se sa lufta me armë. 14 nëntor 2020
