Kryeministri Rama ka reaguar sërish lidhur me protestën e studentëve. Rama i mshon të njëjtës ide se duhet dialog pasi sipas tij logjika se “s’duam të ulemi rtë bisedojmë për kërkesat tona”, nuk shkon.
“ Një vajzë sapo tha s’duam të lutemi (në fakt lutem unë:-)po duam të na plotësohen 8 pikat pa dialog! Dmth s’duam të bisedojmë për kërkesat tona, po duam të bërtasim deri në plotësimin e tyre!Në cilën familje ecën kjo logjikë?Në familjen tonë të madhe jo njëherë, prandaj DIALOG”, shkruan Rama në Twitter.
Studentët mbeten të vendosur që protestën e tyre ta çojnë deri në fund dhe ata nuk duan dialog me kryeministrin, por vetëm plotësim të kërkesave të tyre.
Ky ishte reagimi I dytë I kreut të qeverisë në më pak se 1 orë. Në postimin e mëparshëm në rrjetet sociale, Rama tha se tetë pikat e studentëve janë vetëm pikënisja e transformimit të botës Universitare.
Reagimi i mëparshëm i Ramës:
Të dashur studentë protestues,
gjithçka na duhet tani është të ulemi dhe të flasim.
8 PIKAT janë për mua vetëm pikënisja e një faze të re transformimi të botës sonë universitare. Dhe këtë transformim mund, duhet e do ta bëjmë VETEM SE BASHKU, përmes një Pakti për Universitetin mes studentëve dhe qeverisë.
Adresimin e 8 PIKAVE duhet të nisim pa humbur kohë. Kemi punë për të bërë dhe nëse doni që uljen e tarifave ta mbyllim para pushimeve tuaja të Vitit të Ri, s’ka realisht minuta për të humbur me llogjet e kazanëve dhe rrugët shkencore të Doktorreshë Monës e të Profesor Lulit.
Unë jam gati dhe s’kam asnjë kusht, prandaj bëhuni mbarë e më çoni fjalë, kur e ku doni të takohemi. Përqafime dhe kurajo, sepse do ju duhet shumë kur ta kuptoni që kjo që keni nisur është ku e ku më e madhe, sesa ato 8 PIKA:-)
