Turqia ka prezantuar sot prototipin e makinës së parë elektrike e TOGG, e krijuar nga inxhinierët për pesë modelet e automobilit. Platforma do të sigurojë një strukturë për efikasitet maksimal, rehati, qëndrueshmëri dhe siguri. Ceremonia u realizua në rrethin Gebze të provincës industriale Kocaeli, ku morën pjesë shumë zyrtarë të lartë, përfshirë presidentin Recep Tayyip Erdoğan, krerët e projektit, inxhinerë, ekspertë dhe të ftuar të tjerë.
Gjatë fjalës së tij, Erdoğan u shpreh se Turqia sot po përjeton një ditë historike.”Sot po dëshmojmë një ditë historike për vendin tonë, realizimin e ëndrrës 60-vjeçare”. Ndërsa shtoi se mbi 100 inxhinierë turq kanë punuar për të realizuar projektin. Ministri turk i Industrisë dhe Teknologjisë, Mustafa Varnak e cilësoi këtë zhvillim si një hap revolucionar për vendin dhe përpjekjet e tij për zhvillim. TOGG deri në vitin 2030 do të prodhojë pesë modele të ndryshme, respektivisht SUV, Sedan, C-hatchback, B-SUV dhe B-MPV, si dhe do të zotërojë të drejtat e pronësisë intelektuale dhe industriale të tyre.
