Revolucioni dixhital 2020 ka nisur transformimin rrënjësor të marrëdhënieve të qytetarit me zyrat e shërbimeve, duke shkurtuar radhë, kohë ecejake e rryshfete tridhjetëvjeçare. Kështu shprehet kryeministri i vendit, Edi Rama i cili thotë se deri në fund të vitit, qytetarët shqiptarë do të kenë mundësinë e aplikimeve më të shpejta e më të thjeshta për dokumente, jo vetëm në krejt rajonin, po edhe në krahasim me plot vende të tjera të Europës. “Revolucioni digjital 2020. Ka nisur transformimi rrënjësor të marrëdhënieve të qytetarit me zyrat e shërbimeve, duke shkurtuar radha, kohë, ecejake e ryshfete tridhjetëvjeçare. Deri në fund të vitit, qytetarët shqiptarë do të kenë mundësinë e aplikimeve më të shpejta e më të thjeshta për dokumente, jo vetëm në krejt rajonin, po edhe në krahasim me plot vende të tjera të Europës”, theksoi Rama, duke sjellë një shembull nga blloqet e parë të aplikimeve online për shërbime që deri dje, merrnin kohë, kushtonin para, stresonin qytetarët në radha dhe ecejake të panumërta.
Përmes platftormës e-albania, 40 mijë maturantëve u krijohet mundësia të marrin online dhe në kohë reale vërtetimin e notave të maturës. Në përfundim të provimeve të maturës, ata mund të kërkojnë një kopje testi të provimit të tyre duke aplikuar online brenda pak minutash, pa asnjë dokument shoqërues. “Zgjidhni vetëm provimin për të cilin kërkoni vetëm kopje testi dhe e gjithë pjesa tjetër e formularit plotësohet automatikisht nga ndërveprimi. Duke vlerësuar përafërsisht se rreth 10 mijë maturantë, mund të aplikojnë për kërkesë për rishqyrtim testi, koha e kursyer pritet të jetë 100 ditë. Në e-albania, tani aplikoni më thjeshtë sesa mendoni”, -thuhet në videon informative. z.tosku
