Kinematë në të gjithë vendin do të lejohen të rinisin aktivitetin duke nisur nga data 16 tetor. Ministrja e Shëndetësisë dhe Mbrojtjes Sociale ka shfuqizuar vendimin e marrë në urdhrin e datës 29 maj të këtij viti, “Për marrjen e masave të veçanta dhe kufizimeve për parandalimin e përhapjes së COVID-19”.
Në Fletoren Zyrtare është publikuar vendimi i cili lejon hapjen e kinemave pas mbylljes që prej muajit mars. Sipas vendimit të publikuar në Fletoren Zyrtare, aktiviteti i kinemave duhet të ofrohet në përputhje me protokollet e miratuara nga Instituti i Shëndetit Publik për parandalimin e përhapjes së infeksionit COVID-19.
