Zlatan Ibrahimovic po jeton një rini të dytë, rikthimi tek Milan ka pasur një efekt të jashtëzakonshëm, konfirmoi edhe një herë se mund të luaj akoma në nivele të larta ndërsa tashmë feston një tjetër sukses personal.
Ibra vijon të stërvitjen i diferencuar me shpresën për të qenë në fushë kundër Man.United por në të njëjtën kohë mund ti gëzohet grumbullimit në përfaqësuesen suedeze.
Sulmuesi i Milan është përfshirë nga trajneri Andreson në listën paraprake të lojtarëve të grumbulluar për ndeshjet kundër Gjeorgjisë dhe Kosovës të vlefshme për kualifikueset e Botërorit “Katar 2022” dhe për miqësoren kundër Estonisë.
Për herë të fundit, Ibrahimovic ka qenë i grumbulluar me përfaqësuesen suedeze në “Euro2016”, në sfidën kundër Belgjikës. Që nga ajo ndeshje Ibra ishte tërhequr nga ekipi përfaqësues por ky rikthim i mundshëm pas pesë vitesh mungesë ka një shije të veçante. Ibra mund të luaj një tjetër turne madhorë, si europiani i këtij viti ku Suedia bën pjesë në një grup me Spanjën, Poloninë dhe Sllovakinë. (BaW)
