Në zonën turistike të Shkëmbit të Kavajës vijon puna për rikualifikimin urban edhe gjatë sezonit veror si pjesë e Programit Kombëtar të Rilidnjes Urbane. Kryeministri Rama ka publikuar disa foto gjatë punës në këtë zonë ku thotë se është tjetërsuar pas një xhungle 30 vjeçare të ndërtimeve pas hesap përgjatë brezit bregdetar. Rama ndër të tjera shkruan se prej shumë vitesh të mbrapshtë është si të kërkosh ujë në shkretëtirë, megjithatë sipas tij ‘gurë gurë bëhet murë’.
” Vazhdon çdo natë edhe gjatë sezonit veror, sistemimi i rrugëve dhe vendosja e ndriçimit në zonën turistike të Shkëmbit të Kavajës, ku katrahurës, pluhurit, errësirës, xhunglës 30-vjeçare të ndërtimeve pa hesap përgjatë brezit bregdetar, po i ze vendin hap pas hapi, një rrjet normal infrastrukture falë Programit Kombëtar të Rilindjes Urbane.
Gur gur bëhet muri dhe mur mur bëhet kalaja, thotë Populli, paçka se të kërkosh sot durim, pas aq shumë vitesh të shkuara mbrapsht, duke i’a futur kot e shkatërruar medemek për të ndërtuar, është si të kërkosh ujë në shkretëtirë” shkruan Rama.
Plazhi i Shkëmbit të Kavajës është një zonë shumë e frekuentuar edhe nga vizitorë vendas dhe të huaj.
