Administrata Tatimore vetëm gjatë muajit gusht 2019 i ka rimbursuar biznesit 1.68 miliardë lekë, ose 42% më shumë se në të njëjtin muaj vitin e kaluar.
Nga 878 kërkesa të dorëzuara nga biznesi për përfitim të TVSH-së, gjatë 8 mujorit 2019, 776 prej tyre janë shlyer plotësisht .
11.8 miliardë lekë arrin vlera që ka marrë biznesi nga rimbursimi i TVSH-je për 8 mujorin 2019. Ndërkohë që deri në fund të këtij viti Administrata Tatimore ka planifikuar të rimbursojë një vlerë prej 19 miliardë lekë.
Administrata Tatimore i ka dhënë përparësi kërkesave të eksportuesve duke rimbursuar 515 kërkesa ose 67 % e numrit total të kërkesave të rimbursimeve. Kjo përzgjedhje ka ardhur pasi është vlerësuar impakti i tyre në punësim, ndjeshmëria ndaj luhatjeve të kursit të këmbimit dhe marrëdhëniet kontraktuale që përkufizojnë këtë sektor.
