Noizy dhe babai i tij janë kallëzuar nga Cllevio pas rrahjes së ditës së djeshme pranë ambienteve të lokalit të reperit në Durrës. Gazetarja Xhensila Kodra raporton se pas kallëzimit, policia ka nisur procedimin penal ndaj Rigels Rajkut, i njohur si Noizy dhe babait të tij, Bashkim Rajku për fyerje.
Kujtojmë që ngjarja ka ndodhur pasi Cllevio ka shkuar pranë lokalit të Noizy-t, ku më pas situata ka agravuar në përplasje fizike. Gjithçka besohet se ka filluar, teksa Cllevio ka filluar të ofendonte reperin dhe grupin e tij OTR prej disa muajsh. Noizy reagoi për ngjarjen duke thënë:
“Mos ma merr mirësjelljen tim për dobësi, gëzoj respekt nga e gjithë bota dhe shpeshherë anashkaloj njerëz pa tru dhe moral. Por kjo s’do të thotë asnjë moment që mund ta teprosh deri në pikën ku ti kushdo qofsh të ofendosh familjen time ose familjarët e rrethit tim, jam djalë me tradita dhe zakone shqiptari.
Ju lutem mos e harroni kurrë këtë gjë. Jeta vazhdon”, shkroi Noizy. Më pas erdhi reagimi i Cllevios ku bënte me dije se e kishte lënë me pasoja shëndetësore. “Nëse nuk ka heqin mpiksjen e gjakut në kokë do të vini këtu të më merrni për te banesa. Bravo Noizy do të bëhesh vrasës.”, shkroi ai krahas një fotoje.
I menjëhershëm ishte reagimi i Noizy-t, ku thoshte se shokët e kishin prerë në besë.“Ju siguroj që vetëm nuk ka qen.. Por 4 makina plot me cuna… Qe vetëm 2 veta i dolën zot. Në besë e kanë pre shokët e vet që kishin ardh me bo video gjithë me telefona ndor”, tha ai.
Madje, Noizy pati edhe disa fjalë të tjera. “E kemi pa sa her ka kerku falje dhe mbas 30 minutash prap tu sha. I kemi pa të gjitha… kto lajkat sua ble kush”, përfundoi ai. /abcnews.al
