Një 34-vjeçar është arrestuar nga policia për shkak se ka rrahur brutalisht nënën e tij. Shtetasi me iniciale A.K., pasi ka dhunuar nënën i ka bërë edhe “presion psikologjik”, ndërsa pas kësaj ka dëmtuar edhe orenditë shtëpiake të banesës së saj.
Njoftimi i policisë: Arrestohet në flagrancë 1 shtetas, për veprat penale “Dhuna në familje” dhe “Shkatërrimi i pronës”. Specialistët e Hetimit të Krimit në Komisariatin e Policisë Peqin arrestuan në flagrancë shtetasin A. K., 34 vjeç, banues në Peqin, pasi ka ushtruar dhunë psikologjike ndaj nënës së tij dhe ka dëmtuar orenditë shtëpiake të banesës së saj. Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
