FOTO ilustruese
Mjeku kosovar Dr.Ismajl Lutolli ka humbur një paciente të tijën 11 vjeçare, dhe ka vendosur të ndajë me lexuesit e rrjeteve sociale këtë ekspperiencë të trishtë, shkruan Gazeta Metro.
E buzëqeshur, çapkëne, llafazane e medituese ishin karakteristikat të cilat e veçonin 11-vjeçaren, e cila e kishte bërë për vete gjithë stafin mjekësor. E pyetur nga mjeku se a dëshiron ta takosh Zotin ? Ajo u përgjigj me një maturi që jo të gjithë mund ta kenë.
“ Zoti më ka krijuar mua, mamin, babin, vëllain e motrën. Unë e dua shumë Zotin dhe flas çdo ditë para gjumit për dëshirat që kam. Unë e di se po vdiqa shkoj te Zoti dhe e takoi. Sa kam qejf që një ditë do ta takoj Zotin”, tha ajo. Heshtja e saj kohë pas kohe i vriste të gjithë. “Në netët kur në punën time përjetoj trishtimin nga humbja e pacientëve kujtoj fjalët e saj- doktor unë po vdes por do ta takoj Zotin të cilin e dua shumë”, tha Lutolli i cili ende e përkujton me mall vogëlushen A.
Ngjarja është publikuar në grupin e krijuar në Facebook nga Dr.Ismajl Lutolli që quhet “Familja dhe shëndeti”.
