Gjykata e Tiranës ka dënuar me 15 vite burg Fredi Rrushin, pasi akuzohet për rrëmbimin, vrasjen dhe groposjen e Rruzhdi Hoxhës. Për shkak të gjykimit të shkurtuar, i ulet 1/3 e dënimit dhe si përfundim Fredi Rrushi është dënuar me 10 vite burg.
Një ditë më parë Prokuroria e Tiranës kërkoi 18 vite burgim për Fredi Rrushin të akuzuar për rrëmbimin dhe vrasjen e biznesmenit Ruzhdi Hoxha, ngjarje e ndodhur në Tetor 2021 në kryeqytet.
Fredi Rrushi akuzohet për vrasje me paramendim, armëmbajtje pa leje, fshehje ose asgjësim i kufomës, të gjitha këto në total 23 vite burgim. Por për shkak të gjykimit të shkurtuar, me aplikimin e uljes së 1/3 së dënimit, Prokuroria kërkoi në përfundim 18 vite burg për Fredi Rrushin.
