Ministri i Mbrojtjes në Kroaci Damir Krsticevic ka dhënë dorëheqjen pasi një aeroplan trajnimi i Forcave Ajrore u rrëzua fatalisht menjëherë pas ngritjes nga një bazë ajrore ushtarake në jug-perëndim të vendit. Si pasojë e përplasjes, humbën jetën dy pjesëtarë të Forcave Ajrore kroate. Incidenti ndodhi më 7 maj ndërsa aeroplani u rrëzua gjatë një stërvitjeje afër Zarës, njoftoi Ministria e Mbrojtjes në Kroaci. Damir Krsticevic u shpreh se po jep dorëheqjen pasi një tjetër mjet fluturues i ushtrisë kroate u rrëzua gjithashtu tre muaj më parë duke u marrë jetën dy pilotëve.“Në duhet të jemi transparentë dhe të marrin përgjegjësi për rrëzimet”, shtoi Krsticevic. Ministria e Mbrojtjes tha se avioni me një motor Zlin u rrëzua rreth orës 4 të mëngjesit me orën lokale të enjten gjatë një fluturimi rutinor stërvitje. Nuk dihet ende se çfarë mund ta ketë shkaktuar përplasjen. /abcnews.al/
