Sot moti parashikohet të jetë nën ndikimin e kushteve të qëndrueshme atmosferike. Si gjatë gjithë javës, edhe sot, moti i mirë do të jetë dominues në të gjithë vendin.
Parashikohet që deri në orët e mesditës, një pjesë e mirë e Shqipërisë të jetë në mbizotërimin e intervaleve të gjata me kthjellime, por më të dukshme do të jenë në ultësirën perëndimore.
Ndërsa pasditja dhe kryesisht mbrëmja do të shtojnë vranësirat në të gjithë territorin. Më të fokusuara vranësirat do të jenë në zonat veriore.
Temperaturat e ajrit do të vijojnë të rriten ndjeshëm në mëngjes dhe në mesditë, duke u luhatur nga 1°C deri në 20°C.
Era do të fryjë mesatare dhe e fortë në det me shpejtësi 45 km/h nga drejtimi Jugore, duke sjellë në brigjet detare dallgëzim 3 ballë.
