Numri i viktimave në Itali si pasojë e koronavirusit është rritur në mënyrë të ndjeshme. Mbrëmjen e sotme është bërë e ditur se numri i tyre ka shkuar në 827, ndërsa janë 12 462 të infektuar, nga të cilët 1045 janë shëruar.
Ndërkohë drejtori i Përgjithshëm i OBSH-së Tedros Adhanom Ghebreyesus ditën e sotme deklaroi shpërthimin e koronavirusit si një pandemi, pasi numri i vdekjeve në të gjithë botën shkoi në 4,300 dhe numri i rasteve të konfirmuara tejkaloi 121,000 .
“Ne kemi ngritur kambanën e alarmit me zë të lartë dhe të qartë. Të gjitha vendet ende mund ta ndryshojnë rrjedhën e kësaj pandemie.”
Drejtori i Qendrave për Kontrollin dhe Parandalimin e Sëmundjeve Robert Redfield i tha se virusi është përhapur në të paktën 38 shtete.
