Categories Lajme

Rritja e çmimit të bukës, naftës dhe gazit, Rama do të mbledh sot qeverinë, ja çfarë pritet nga kryeministri

Brenda javës Kryeministri Edi Rama tha se do të lançojë paketën e posaçme për mbrojtjen e shtresave në nevojë dhe biznesin e vogël nga rritja e çmimeve.

E ndërsa të gjithë presim për planin e masave që do të ndërmerret edhe për t’i bërë ballë krizës së mundshme energjetike, kryeministria bën me dije se sot Rama do të zhvillojë mbledhje me ministrat. Në përfundim të mbledhjes Rama do të ketë një komunikim për mediat, ku me shumë mundësi do të shpalosë planin e masave. Lajmi për ngritjen e një grupi ndërinstitucional për të menaxhuar dhe monitoruar çdo moment ecurinë e situatës energjetike u njoftua nga zv. Kryeministri Arben Ahmetaj pas mbledhjes së Këshillit të Ministrave një ditë më parë.

“Situata energjetike në vend është konseguencë e krizës globale. Në një treg global ekonomia influencohet drejtpërdrejtë nga situata globale, sidomos për mallra që kuotohen në bursa apo që lidhen drejtpërsëdrejti me import-eksportin. Kryeministri ka ngritur një grup ndërinstitucional për të menaxhuar dhe monitoruar çdo moment ecurinë e situatës energjetike.

Vala e çmimeve ndërkombëtare sigurisht që prek edhe brigjet e Shqipërisë, por ne jemi të gatshëm të mbrojmë konsumatorin familjar dhe biznesin e vogël. Shumë shpejt brenda javës Kryeministri do të shpalosë vetë platformën për mbrojtjen e konsumatorit familjes dhe sipërmarrjen e vogël“, tha ai.

Paralajmërimin e krizës energjetike Rama e bëri 5 ditë më parë në një deklaratë të papritur.

Duke qenë se bota aktualisht po vuan një krizë energjetike, pasojat siç tha Rama po fillojnë të ndihen edhe në Shqipëri. Vala e rritjes së çmimeve në vendin tonë ka prekur ushqimet e shportës, bukën dhe naftën e gazin.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

U plagos me thikë nga dy persona të maskuar, zbardhet dëshmia e 29-vjeçarit

Të tjera detaje janë zbardhur nga plagosja në Korçë, ku një i ri është sulmuar…

LEXO ME SHUME
Categories Lajme

Ambulanca përplaset me një tjetër automjet, plagoset pacientja

Një aksident ka ndodhur pasditen e sotme rreth orës 16:55, në bulevardin “18 shtatori”, në Gjirokastër.…

LEXO ME SHUME
Categories Lajme

Tragjike/ U gjet i pajetë brenda në makinë nga familjarët! Romario Brunga ishte martuar 7 muaj më parë, pista kryesore që po heton policia

Romario Brunga është 25-vjeçari, i cili u gjet i pajetë brenda automjetit të tij, ditën…

LEXO ME SHUME
Categories Lajme

Arsyeja mister/ Qarkullonte me armë zjarri në automjet, arrestohet 33-vjeçari! Pistoletën e kishte mbështjellë me çorape

Policia ka vendosur në pranga një 33-vjeçar, i cili qarkullonte me armë zjarri në automjet…

LEXO ME SHUME
Categories Lajme

Horoskopi ditor për SOT, e Premte 7 Shkurt 2025

Dashi Më në fund fati në punë ju buzëqesh, dhe nëse keni pritur një përgjigje…

LEXO ME SHUME