Padyshim kur përmendim skuadrën e Milan, emri i parë që na vjen në mendje është ai i “ylli” portugez, Rafael Leao, mirëpo “luzitani” ende nuk i ka ndezur “motorët” për këtë sezon, duke arritur të shënojë vetëm 3 gola e të asistojë 4 të tjerë, në 10 përballjet e para të këtij edicioni.
Mirëpo, teksa nga shumë tifozë shihet si “simboli” i Milan, në këto 3 sezonet e fundit, për teknikun “legjendar”, Arrigo Sacchi është komplet e kundërta, me këtë të fundit, që për mediat është shprehur se në kohën kur drejtonte “kuqezinjtë”, Leao nuk do të kishte asnjë shans për të hyrë në formacionin titullar.
“Për mua Milan është skuadra më e fortë në këtë sezon dhe sa i përket titullit, gjithçka varet nga vetë ata. Tani ata duhet të luajnë në grup sepse vetëm kështu mund ta vendosin në vështirësi kundërshtarin. Leao? Në skuadrën time nuk do të ishte titullar, i mungon karakteri që një lojtar duhet ta ketë që në fillimet e tij pasi më vonë është i vështirë për t’u fituar”,- tha tekniku italian.
