Pas zbulimit të një trupi në rrënojat e avionit të vogël me të cilin po udhëtonte nga Nantes drejt Cardiffit, Emiliano Sala kanë dalë të tjera fakte tronditëse që e bëjnë akoma edhe më të madhe dhimbjen për familjarët dhe miqtë e sulmuesit argjentinas.
Trupi i filmuar nga një mjet nënujor ka qenë shumë i dëmtuar dhe identiteti i tij nuk është zbuluar ende, pasi nuk është nxjerrë nga rrënojat e avionit. Një mik i sulmuesit, ka bërë disa akuza të rënda.
“Ekziston një e vërtetë e madhe pas gjithë kësaj dhe kjo është se ka një keqbërës. Sepse Emiliano kurrë nuk vendosi të fluturojë me atë aeroplan. Këto janë të gjitha detyrime që dikush i pranon si një lojtar profesionist. Emiliano u detyrua të hipte në atë aeroplan”, tha Maximiliano Duarte, mik i futbollistit, duke folur në America Noticias dhe duke iu referuar Willie McKay, përfaqësuesit të lojtarit të zhdukur, që rezervoi fluturimin me një avion si Piper Malibu, që njihet për aksidentet e shpeshta.
