Policia holandeze ka sekuestruar sasinë më të madhe te parave ‘cash’. Bëhet fjalë për një shumë prej 12.8 milion eurosh të ndara në disa valixhe. Sipas raportimeve në mediat holandeze ‘pronarë’ të kësaj sasie të madhe parash janë 7 persona të cilët janë arrestuar. Në pranga kanë rënë 2 shqiptarë, një burrë dhe dy gra nga Kolumbia një burrë nga Zelanda e Re si dhe një burrë tjetër nga Maroku.
Aksioni nisi më 12 shtator pas informacioneve të policisë holandeze për trafik kokaine nga Kolumbia. Përgjegjëse për trafikimin e kokainës është një grua e moshës 52-vjeçare nga Kolumbia.
“Bandat e drogës fitojnë shuma të jashtëzakonshme nga trafiku i drogës. Të dyshuarit jetonin krejtësisht jashtë radarit”, është shprehur Olivier Dutilh, kreu i Shërbimit Rajonal të Hetimit në Amsterdam.
Sipas mediave holandeze lajmi është publikuar ditën e sotme për shkak të hetimeve që vijonin.