Një pallat me vlerë 1.5 milionë euro në zonën e Shkëmbit të Kavajës është vënë në sekuestro preventive dhe mësohet se është në pronësi të shtetasit Hysen Gashi, ish-kryetar e komunës Rrashbull. Policia e qytetit bregdetar shprehet se sekuestroja e këtij ndërtimi të bllokuar është vendosur pas hetimeve nga Krimi Ekonomik dhe Financiar në ngarkim të ish-kryekomunarit të Rrashbullit për ;shpërdorim detyre’. Pas verifikimit të çdo lejeje të dhënë prej tij, Prokuroria e Durrësit ka dhënë urdhrin për sekuestrimin ndërtimit 9 kat plus papafingo plus 1 kat nën tokë me administrator J.A, banues në Durrës.
Njoftimi: Vendoset sekuestro preventive për një pallat 9-katësh me vlerë 1.5 milionë euro.
Në vijim të veprimeve të kryera nga Specialistët për Hetimin e Krimit Ekonomik e Financiar, nën drejtimin e Prokurorisë së Rrethit Gjyqësor Durrës, për veprën penale “Shpërdorim detyre”, në ngarkim të shtetasit H.G, ish-kryetar e komunës Rrashbull, pas informacioneve që dispononte Policia, veprimet janë intensifikuar më tej për verifikimin e lejeve të ndërtimit të lëshuara për çdo objekt. Me urdhër të prokurorit të Prokuroisë Durrës u bë ekzekutimi i vendimit penal të Gjykatës së Shkallës së Parë Durrës, për vendosjen e masës së sigurimit pasuror, “Sekuestro preventive”, si dhe në bashkëpunim me IKMT-në u urdhërua pezullimi i punimeve që kryheshin në objektin pallat 9-katësh + papafingo +1 kat nën tokë, me administrator shtetasin J. A., banues në Durrës, ndërtim në zonën e Shkëmbit të Kavajës. Shuma e sekuestrimit kap vlerën 1.5 milionë euro, sipas çmimit të tregut. Materialet shtesë i kaluan Prokurorisë së Rrethit Gjyqësor Durrës, për veprime të mëtejshme.
