Presidenti Ilir Meta ka lëshuar akuza të rënda ndaj Shkëlqim Selamit, i cili më herët ka qenë pjesë e Lëvizjes Socialiste për Integrim.
Shkëlqim Selami në një prononcim për Vloranews i ka rikujtuar Presidentit Meta, kohën kur kërkonte fitore me blerje votash.
Sot jam zgjuar po sa i habitur edhe i shokuar , por dhe më ka ardhur keq të them të drejtën. Kandidati i lSI që ka 6 vjet që fle dhe zgjohet me emrin tim, më paska përmendur prapë. Ka një të mirë marrëzia e tij , duke qendruar në Vlorë është afër spitalit dhe të paktën kemi mundësi pas 25 prillit ti bëjmë derman.
Pa sa pa hije në kafazin e tij, I pushkatoi me pushkë druri njerëzit e zgjedhur nga vetë ai dhe tani ka filluar shikon përtej kafazit. Zoti kandidat, mua nuk më bën dot pis dhe të më përmendësh për blerje votash se kur më thoje sa vota arrin të blesh të thoja që mandatin nuk e dua po sma dhanë vlonjatët me vullnetin e tyre të lirë dhe për këtë jam krenar se e bëra mandatin vetëm me votat e vlonjatëve dhe me asnjë votë nga Saranda dhe ti këtë e di mire .
Ke qënë etaloni I blerjes së votave dhe i habitur atëherë më thoje paske të drejtë vëlla , këta dashkan vetëm bukë ujë dhe histori, tani e ke rritur piacën u jep dekorata duke i përdorur në vënd të verdhushkave. Pushkatimi i Luanit tregon që po shikon hije dhe ske më besim as tek vetja .
E kalon pushkën sa në dorën tënde dhe në dorën e atyre që të shërbejnë si vegël . Këtu je në Vlorë z. kandidat, dhe atë që unë e bëj si qytetar i thjeshtë ti nuk e bën dot as si president.Të premtoj pas 25 prillit do të vijmë me komposto kumbullash vlonjate dhe liko që të mund të qerasësh ata që tani po i përdor si vegla.
Mos u merr më me emrin tim , shiko përtej, bëj paqe me veten , unë jam qytetar i thjeshtë vlonjat që do bëj cdo ditë për qytetin tim , këtu zgjodha të jetoj dhe të rris fëmijet e mi . Do jap kontributim tim atje ku kam parë dhe prekur ndryshimin, skam nevojë për mandat unë për të bërë për Vlorën , smë bëri as pozita as karrigia dhe as mandati ky që jam .
Unë si qytetar i thjeshtë bëj shume më shumë se ty i veshur nën petkun e presidentit me puplat e një kandidati dhe me duart e mbushura me dekorata. Me qetësi dhe dashuri drejt 25 prillit dhe pas 25 Prillit për një dreke në Kuzum Baba të festosh me ne fitoren tonë!
