Categories Lajme

Shantazhuan biznesmenin në Tiranë për 100.000 euro, Policia Kriminale prangos babë e bir, shpallet në kërkim “zyrtari i lartë” që i mashtroi (EMRAT-NGJARJA)

Dy shtetas janë vënë në prangat e Policisë së Shtetit, pas një operacioni të gjerë ku janë përfshirë disa sektor të rëndësishëm, si Policia Kriminale, Forca Operacionale dhe Njësia “E” për Hetimin e Krimeve. Këta shtetas do t’i merrnin një biznesmeni shumën prej 100.000 eurosh.

Nga veprimet hetimore ka rezultuar se shtetasit Bedri Vodha dhe Albert Vodha do të merrnin shumën 100.000 euro nga një biznesmen, ndërsa shtetasi Florian Gjergji ka organizuar këtë veprimtari kriminale, duke iu prezantuar biznesmenit si zyrtar i lartë dhe duke i kërkuar shumën e parave, gjatë komunikimeve në rrjetin social Telegram.

Mesa duket biznesmeni e ka kuptuar që ishte duke u mashtruar dhe ka vënë në dijeni Policinë. Babë e Birë, Bedri dhe Albert Vodha janë identifikuar dhe janë mbajtur në vëzhgim nga shërbimet operacionale të Policisë, deri në momentin kur janë arrestuar në flagrancë, para se të merrnin shumën e parave nga biznesmeni.

Nga veprimet e thelluara hetimore dyshohet se këta 3 shtetas janë autorë edhe të një rasti tjetër të ngjashëm, të ndodhur në muajin mars të këtij viti, në Tiranë, ku me anë të mashtrimit, duke u prezantuar si zyrtarë të lartë, i kanë marrë një shumë të madhe parash një biznesmeni.

Në cilësinë e provës materiale u sekuestruan: 70 000 euro, 2 automjete, 5 celularë, 3 karta SIM, 1 laptop, 2 USB dhe 1 tablet.

Policia e Shtetit fton qytetarët, operatorët ekonomikë në shkallë vendi dhe të dëmtuarit e tjerë, në rast se kanë dijeni apo dyshojnë për veprimtari kriminale të kësaj natyre, që ta denoncojnë atë pa hezituar, në strukturat policore në të gjithë vendin, duke i garantuar se Policia e Shtetit i ka të gjitha kapacitetet në burime njerëzore dhe operacionale, që të ndëshkojë cilindo që implikohet në këtë veprimtari krininale dhe në çdo paligjshmëri tjetër.

Njoftimi i plotë për operacionin – Policia e Shtetit:

Njësia “E” për Hetimin e Krimeve Ekonomike dhe Financiare në Drejtorinë Hetimore në Departamentin e Policisë Kriminale në DPPSH, në bashkëpunim me Drejtorinë Vendore të Policisë Tiranë dhe Drejtorinë e Forcës së Posaçme Operacionale në DPPSH, në drejtimin e Prokurorisë së Tiranës, falë rritjes së besimit të qytetarëve, për të denoncuar pranë strukturave policore, raste të veprimtarisë kriminale me qëllim përfitimin e vlerave monetare, bazuar dhe në informacionet e siguruara nga inteligjenca informative, ka organizuar dhe finalizuar me sukses operacionin policor të koduar “Telegram”.

Gjatë këtij operacioni u arrestuan në flagrancë shtetasit B. V., 54 vjeç dhe A. V., 24 vjeç (babë e bir), banues në Tiranë. Gjithashtu u shpall në kërkim shtetasi F. Gj., banues në Tiranë.

Nga veprimet hetimore ka rezultuar se shtetasit B. V. dhe A. V. do të merrnin shumën 100 000 euro nga një biznesmen. Shtetasi F. Gj. ka organizuar këtë veprimtari kriminale, duke iu prezantuar biznesmentit si zyrtar i lartë dhe duke i kërkuar shumën e parave, gjatë komunikimeve në rrjetet sociale.

Pas identifikimit, shtetasit B. V. dhe A. V. janë mbajtur në vëzhgim nga shërbimet operacionale të Policisë, deri në momentin kur janë arrestuar në flagrancë, para se të merrnin shumën e parave nga biznesmeni.

Nga veprimet e thelluara hetimore dyshohet se këta 3 shtetas janë autorë edhe të një rasti tjetër të ngjashëm, të ndodhur në muajin mars të këtij viti, në Tiranë, ku me anë të mashtrimit, duke u prezantuar si zyrtarë të lartë, i kanë marrë një shumë të madhe parash një biznesmeni.

Në cilësinë e provës materiale u sekuestruan: 70 000 euro, 2 automjete, 5 celularë, 3 karta SIM, 1 laptop, 2 USB dhe 1 tablet.

Vijon puna për kapjen e shtetasit F. Gj. dhe për dokumentimin e plotë të veprimtarisë kriminale të kryer në bashkëpunim me 2 shtetasit e arrestuar.  Materialet i kaluan Prokurorisë së Tiranës, për veprën penale “Mashtrimi”, kryer në bashkëpunim.

Policia e Shtetit falënderon qytetarët, për rritjen e besimit për të denoncuar në strukturat policore, raste të tilla, por dhe raste të tjera të paligjshmërive, në të gjitha fushat që ato shfaqen.

Policia e Shtetit fton qytetarët, operatorët ekonomikë në shkallë vendi dhe të dëmtuarit e tjerë, në rast se kanë dijeni apo dyshojnë për veprimtari kriminale të kësaj natyre, që ta denoncojnë atë pa hezituar, në strukturat policore në të gjithë vendin, duke i garantuar se Policia e Shtetit i ka të gjitha kapacitetet në burime njerëzore dhe operacionale, që të ndëshkojë cilindo që implikohet në këtë veprimtari krininale dhe në çdo paligjshmëri tjetër.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Izoloi gruan në banesë me kamera sigurie, Gjykata e Apelit merr vendimin për 34-vjeçarin

Gjykata e Apelit të Tiranës ka refuzuar kërkesën për liri të 34-vjeçarit Asqeri M. i…

LEXO ME SHUME
Categories Lajme

Gjendet pa jetë në shtëpi 54 vjeçari në Lezhë

Një burrë 54 vjeç u gjet pa jetë sot në shtëpinë e tij. Ngjarja ndodhi…

LEXO ME SHUME
Categories Lajme

Atë që ka për detyrë ta bëjë shteti, banorët e Vranishtit e bëjnë me lekët e tyre

Ndërsa të gjithë fshatrat vuajnë shpopullimin dhe i janë dorëzuar këtij fati, krejt e kundërta…

LEXO ME SHUME
Categories Lajme

Sëmundjet tumorale po shtohen me shpejtësi, mjekët thirrje për rivendosjen e ligjit antiduhan

Sëmundjet tumorale po prekin gjithnjë e më shumë njerëz dhe për fat të keq dhe…

LEXO ME SHUME
Categories Lajme

Ekzekutori ishte djali! Policia e Durrësit zbardh vrasjen e 50-vjeçarit: E gjithë familja e përfshirë…

Policia e Durrësit zbardh vrasjen e 50-vjeçarit Pëllumb Meta. Duket se ekzekutori i babait nuk…

LEXO ME SHUME