Uragani Dorian është shndërruar në stuhinë më të fortë të të gjithë kohrave.
Ndërsa prej orësh po godet dhe shkatërron Bahamas me erëra që arrijnë shpejtësinë 225 km/orë, më shumë se 1.5 milion banorë janë evakuuar.
Erërat e tërbuara të uraganit kanë shkatërruar shumë shtëpi, kanë përmbysur mjaftë makina dhe kanë rrëzuar kilometra linja të energjisë elektrike.
Në veri të arkipelagut, zyrtarët lokal kanë ofruar varka për të transferuar njerëzit në stere.
Në shumë shtete, si në Xhorxhia dhe Karolina e Jugut, qindra mijëra njerëz janë duke u evakuuar nga shtëpitë e tyre.
Ekspertët thonë se stuhia, pavarësisht se do të ndërrojë drejtim, është ende ‘jashtëzakonisht e rrezikshme’ dhe madje në vazhdim, mund të shoqërohet edhe me shirra të rrëmbyeshëm.
Mediat lokale në Bahamas raportojnë se një djalë shtatë vjeçar është mbytur dhe motra e tij është zhdukur, pasi Uragani goditi Abaco dhe Grand Bahama Island.
Uragani Dorian u intensifikua në një stuhi të Kategorisë 5 ditën e diel në mëngjes me erëra me shpejtësi rekord, 200km/orë.
Presidenti amerikan Donald Trump, i cili anuloj një vizitë zyrtare në Poloni, po mban kontakte të drejtpërdrejta me autoritetet lokale dhe po ndjek zhvillimet nga Camp David. Ai i ka paralajmëruar banorët të jenë të vetëdijshëm pasi Dorian ‘mund të jetë shkatërrues’.
