Deputeti i PD, Agron Shehaj thotë se bonusi i qeverisë për bebet e lindura nuk është zgjidhja, pasi shqiptarët duan mundësi për fëmijët e tyre. Përmes një postimi në Facebook, Shehaj shprehet se çdo fëmijë që vjen në jetë sot në Shqipëri e pret një borxh gati 3500 euro nga huatë dhe koncesionet e qeverisë.
“Çdo fëmijë që vjen në jetë sot në Shqipëri e pret një borxh gati 3500 euro nga huatë dhe koncesionet e qeverisë, e pret një arsim mediokër dhe një shëndetësi që lëngon, ndërkohë që kur të rritet ka të garantuar vetëm mungesën e mundësive dhe papunësinë”- thotë Shehaj.
