Vdekja e dy punëtorëve të skela Syla, Orjon Kodra dhe Ergys Brahimaj më 16 gusht teksa ishin duke punuar në një pallat në rrugën Faik Konica, ka çuar në pranga pronarin e Skelave Syla, Petrit Sylën.
Report Tv mëson se ky është arrestimi i dytë në më pak se një javë për Petrit Sylën pasi më 2 shtator ai është vënë në pranga për të njëjtën ngjarje nga policia por prokuroria e ka liruar.
Ndërsa të premten në mesditë prokuroria ka nxjerrë një tjetër urdhër ndalimi për të dhe policia ka mundur të prangos Petrit Sylën mëngjesin e kësaj të diele teksa ai kthehej nga një ceremoni familjare nga Lezha.
Petrit Syla nuk ka bërë rezistencë gjatë arrestimit ndërsa pritet që prokuroria të vendos nëse ndaj tij do të kërkoj apo jo një masë sigurimi në gjykatë. Petrit Syla është administratori i skelave në të cilën gjetën vdekjen Orjon Kodra e Ergys Brahimaj ndërsa 4 punëtorë të tjerë u plagosën. Për këtë ngjarje më herët u arrestua edhe Ilir Bendo drejtori i firmës Syla ndaj të cili është lënë masa e sigurisë arrest me burg ndërsa Xhimi Tarushi fitoi lirinë.
Tarushi ishte personi që kish fituar tenderin për rikonstruksionin e fasadës së pallatit ku banon zv.kryeministri Erion Braçe, pallat në të cilin ndodhi dhe ngjarja e dy punëtorët humbën jetën.
