Një burrë rreth tridhjetë vjeç u plagos rëndë në bark në qendër të qytetit të Nices në Francë. Ndaj të dyshuarit është ngritur aktakuzë dhe është caktuar masa e paraburgimit.
Një shtetas shqiptar është vendosur në paraburgim këtë të mërkurë në kuadër të hetimeve për tentativë vrasje. Sipas informacioneve, ky person është arrestuar të hënën e kaluar, një ditë pas një sulmi me thikë në qendër të qytetit të Nicës.
Një debat shpërtheu për një arsye të parëndësishme, në mesditë, në një biznes në rrugën Pertinax. Sherri kishte protagonistë dy shtetas shqiptarë. Njëri prej tyre u gjet i shtrirë në trotuar, i goditur me thikë në stomak.
Ky 35-vjeçar ka një paaftësi totale për punë (ATT) prej 15 ditësh. Agresori i tij i supozuar, pak më i vjetër, u arrestua nga shërbimi lokal i policisë gjyqësore (SLPJ) në Nice. Ai ka mohuar të ishte autori i sulmit. Ndaj tij është ngritur aktakuzë dhe është vendosur në paraburgim.
