Policia e Beratit ka zhvilluar një aksin blic në Malin e Tomorit për subjektet që ushtrojnë veprimtari të paligjshme. Nga aksioni është vënë në pranga një 33 vjeçar me inicialet M.S, banues në Berat. Ai është kapur në kushtet e flagrancës, me mjetin e ngarkuar me pllaka guri dekorativ në kundërshtim me ligjin.Në kuadër të këtij operacioni ka shpallur në kërkim edhe shtetasin me iniciale L.L, banues në Tiranë, ndërkohë policia po vijon punën për identifikimin dhe kapjen e personave të tjerë, që vijojnë të punojnë në mënyrë të paligjshme në Malin e Tomorit, duke shfrytëzuar zonën e Novajt për nxjerrjen e gurit dekorativ.
Kujtojmë që prej datës 19 Dhjetor 2019 të gjitha firmave të gurit në Malin e Tomorit u janë hequr licencat. Kjo ka bërë që të “lulëzojë” shfrytëzimi i paligjshëm, duke përdorur errësirën për nxjerrjen dhe transportin e pllakave të gurit.
