Policia italiane ka shkatërruar një bandë kriminale, ndërsa në pranga kanë rënë 4 persona, mes tyre 2 shqiptarë.

Siç raportojnë mediat italiane, njëri prej shqiptarëve të arrestuar, rezultuan i dënuar më 2019-ën me 4 vite burg për akuzën e trafikut të drogës. Ai është kapur me 25 kg marijuanë, ndërkohë që luante rolin e drejtuesit dhe organizatorit të trafikut të të lëndëve narkotike provincat e Livornos dhe Firences.

Njëri nga italianët ishte “dora e djathtë”, e shqiptarit. Ai luante rolin e llogaritjes së shitjes së drogës, mbledhjes së parave dhe mbajtja e kontakteve me korrierët e ndryshëm të drogës. Po ashtu të përfshirë ishin dhe dy persona të tjerë, të cilët ndihmonin dy bosët kryesorë. Policia italiane  sekuestroi rreth 35 gramë kokainë, rreth 800 gramë hashash dhe afërsisht 1 kilogram marijiuanë, si dhe materiale për peshim dhe paketim.