Nuk ka festë titulli këtë javë për Juventusin në Serinë A. Skuadra e Mauricio Sarrit ka dështuar në mënyrë të papritur objektivin që dukej i arritshëm që sot nëse merrte tri pikët përballë Udinezes në transfertën e javës së 35-të të Serisë A, pasi humbi 2-1 Edhe pse me shumë mungesa, Juventusi arriti që të diktonte ritmin në pjesën e pare të ndeshjes dhe në mbyllje të këtij fraksioni loje gjeti golin e avantazhit me anë të De Ligt, i cili goditi nga jashtë zonës dhe i dha epërsinë skuadrës së tij.
Por në pjesën e dytë, Juventusi nuk arriti të ruante avantazhin dhe u arrit nga goditja me kokë e Nesterovskit, i harruar nga prapavija e torinezëve. Më pas, Juventusi kërkoi me ngulm golin e fitores, por ishin vendasit ata që tundën rrjetën me Fofana pas një aksioni individual spektakolar ku kaloi disa lojtarë para se të çonte topin në rrjetë. 2-1 për Udinezen që i afrohet edhe më shumë mbijetesës, ndërsa Juventusi shtyn festën e titullit me shpresën e bardhezinjve që do t’u kthehen shpejt fitores që u nevojitet për sigurinë matematike të titullit.
