Tre persona u konfirmuan të vdekur dhe 150 të tjerë u zhdukën pasi një akullnajë u shkëput nga Himalajet dhe ra në një digë hidroelektrike, duke shkaktuar përmbytje masive.
“Ne kemi lokalizuar të paktën tre trupa të pajetë në shtratin e lumit. Sipas të dhënave tona të fundit na rezulton se 150 persona janë zhdukur dhe ka 16 ose 17 persona të bllokuar në një tunel.” i tha AFP një zëdhënës i policisë në shtetin Uttarakhand.
“Erdhi shumë shpejt, nuk kishte kohë për të lajmëruar askënd,” i tha Reuters Sanjay Singh Rana, i cili jeton në pjesën e sipërme të fshatit Raini. “Unë ndjeva se edhe ne duhet të coheshim dhe të largoheshim menjëherë”.
“Vendasit kanë frikë se njerëzit që po punonin në një projekt i cili ishte afër vendngjarjes mund të jenë marrë me rrjedhën si dhe fshatarët që kërkonin dru zjarri afër lumit ose duke kullotur bagëtitë e tyre”, tha Rana. “Ne nuk ja kemi iden se sa njerëz mungojnë.” Ndërkohë ekipet e shëptimit janë duke evakuuar banorët e zonës, ndërsa numri i viktimave nuk është konfirmuar ende nga autoritetet vendase.
https://twitter.com/i/status/1358303514951208960
